 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Апошні сьнегапад забіў марозы,
Стаў на халву падобны брудны сьнег,
І раптам залацістая мімоза
Галінкі працягнула да мяне.
Ва ўсіх прахожых прамакаюць ногі,
Бруіцца ля панеляў каламуць,
А тут краплінкі сонца залатога
За зьмятую траячку ўсім даюць.
Пяшчотны, залацісты пух гусіны.
Каму цябе падорыць добры гном?
Хіба што гэтай маладой дзяўчыне,
Што тузае машынку за вакном.
У тлуме уваходных і выходных
Хай на хвіліну усьміхнецца мне,
Успомніць пра вясну, пра лес свабодны
І адпачынак дасьць сваёй сьпіне.
Шуміць па вуліцах халодны вецер,
А я прынёс праменьні ў цёмны дом,
І стала трошкі больш сьвятла на сьвеце,
І ў сэрцы дзеўчыны, што за вакном.
1960
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
